دعوت اسلامی کے زیر اہتمام فیضان مدینہ اسلام آباد میں فری آئی کیمپ کا انعقاد

اسلام آباد(سب نیوز)دعوت اسلامی کے شعبہ میڈیکل ڈیپارٹمنٹ کے تحت فیضان مدینہ جی الیون مرکز اسلام آباد میں فری آئی کیمپ کا انعقاد ہوا۔ جس میں ایک بڑی تعداد نے شرکت کی اور آنکھوں کا مفت معائنہ کروایاآئی کیمپ میں ماہر آئی اسپیشلسٹ اور میڈیکل سٹاف نے مریضوں کا تفصیلی معائنہ کیا جبکہ اس موقع پر افراد کو چیک اپ کے بعد مفت ادویات اور چشمے بھی فراہم کیے گئے۔
کیمپ کے دوران مختلف بیماریوں کی تشخیص کی گئی اور مریضوں کو احتیاطی تدابیر سے بھی آگاہ کیا گیا۔دعوت اسلامی کی مرکزی مجلس شوری کے رکن حاجی وقار المدینہ صاحب کے مطابق کیمپ کے انعقاد کا مقصد امت مسلمہ کی خدمت کرنا ہے رکن شوری حاجی وقار المدینہ نے کہا کہ دعوت اسلامی کا میڈیکل ڈیپارٹمنٹ ملک کے مختلف شہروں میں وقتا فوقتا فری میڈیکل کیمپ لگاتا رہتا تاکہ زیادہ سے زیادہ افراد اس سے مستفید ہو سکیں اس کے ساتھ ساتھ رکن شوری حاجی وقار المدینہ نے بتایا کہ الحمدللہ عزوجل دعوت اسلامی کے تحت مدنی ہیلتھ کیئر سینٹر بھی قائم ہے جہاں امت مسلمہ کی خدمت جاری ہے۔