تحریک انصاف کی سیاسی اور ٹیکنوکریٹ قیادت کے اختلافات شدت اختیار کرگئے

اسلام آباد (سب نیوز)تحریک انصاف کی سیاسی اور ٹیکنوکریٹ قیادت کے اختلافات شدت اختیار کر گئے۔ سیاسی بیک گراونڈ رکھنے والے متعدد سیاسی رہنما سیکرٹری جنرل سلمان اکرم راجا کے خلاف متحرک ہوگئے۔ سینئر رہنماوں نے پارٹی پر مسلط ٹیکنوکریٹ گروپ سے جان چھڑانے کیلئے علیمہ خان سے مدد مانگ لی۔
پی ٹی آئی ذرائع کے مطابق سینئر رہنماں نے علیمہ خان سے درخواست کی ہے کہ بانی سے ملاقات میں ہماری تجویز کی منظوری حاصل کریں۔ سیاسی قیادت ریاست سے ٹکرا وکی مخالف اور مذاکرات کی حامی جبکہ وکلا ٹاکرے اور مزید دباو بڑھانے کی حکمت عملی پر مصر ہیں۔ پارٹی ذرائع کے مطابق وکلا دھڑا اسمبلیوں سے استعفوں کے آپشن پر غور کا حامی ہے جبکہ سیاسی رہنماوں نے پارلیمانی کردار محدود کرنے کی کسی بھی کوشش کی سخت مخالفت کی ہے۔
سینئر سیاسی رہنماوں نے وکلا گروپ کو پارٹی بند گلی تک پہنچانے کا ذمہ دار قرار دیدیا۔ سیاسی رہنما پارٹی پر مسلط وکلا کے غیرسیاسی فیصلوں سے تنگ آ چکے۔ اپوزیشن لیڈر کے لیے پی ٹی آئی سے باہر سے نامزدگیاں بھی وجہ تنازع ہیں۔ ذرائع کے مطابق سیاسی کمیٹی کے فیصلے مسلسل نظرانداز کیے جانے پر بھی سیاسی رہنما برہم ہیں۔