چیچہ وطنی: سکالرز سکولز کے طلبہ کا شاندار رزلٹ، ہونہار طلبہ کے اعزاز میں تقریب کا انعقاد

چیچہ وطنی(آئی پی ایس) چیچہ وطنی کے معروف تعلیمی ادارے سکالرز سکولز نے میٹرک بورڈ کے سالانہ امتحانات 2025 میں نمایاں کارکردگی دکھانے والے طلبہ و طالبات کے اعزاز میں ایک پروقار تقریب کا انعقاد کیا۔ اس تقریب میں اعلیٰ کارکردگی کا مظاہرہ کرنے والے طلبہ کو تعریفی اسناد سے نوازا گیا۔
تقریب میں جن طلبہ کو خصوصی اعزازات دیے گئے ان میں شامل ہیں:
• ارحہ بختاور – 1162 / 1200
• عائشہ عباس – 1157 / 1200
• حمزہ طارق – 1123 / 1200
• ایمان فاطمہ – 1122 / 1200
• میمون شہزاد – 1110 / 1200
اس موقع پر سکول کے ڈائریکٹر محمد عابد شہزاد نے خطاب کرتے ہوئے کامیاب طلبہ کو مبارکباد دی اور کہا کہ
“یہ شاندار نتائج ہمارے ٹیم ورک، والدین کی دعاؤں اور بچوں کی انتھک محنت کا نتیجہ ہیں۔ سکالرز سکولز چیچہ وطنی ہمیشہ سے معیاری تعلیم، نظم و ضبط اور طلبہ کی ہمہ جہت ترقی پر یقین رکھتا ہے۔” تقریب میں اساتذہ، والدین، اور مقامی معززین کی بڑی تعداد نے شرکت کی اور کامیاب طلبہ کی حوصلہ افزائی کی۔