جدہ (خالد نواز چیمہ)پاکستان جرنلسٹ فورم کے چیئرمین امیر محمد خان کے بڑے بھائی، شکیل محمد خان کی وفات پر پاکستان جرنلسٹ فورم جدہ کی جانب سے ایک تعزیتی ریفرنس کا انعقاد کیا گیا۔ اس موقع پر جدہ کی سیاسی، سماجی، کاروباری اور صحافتی شخصیات نے بڑی تعداد میں شرکت کی۔
ریفرنس کا آغاز تلاوتِ قرآنِ پاک سے ہوا، جس کے بعد نعتِ رسولِ مقبول ﷺ پیش کی گئی۔ معروف عالم دین قاری عبدالباسط نے قرآن و سنت کی روشنی میں موت کے بعد انسان کے ساتھ پیش آنے والے مراحل پر تفصیل سے روشنی ڈالی۔ انہوں نے مرحوم شکیل خان کے لیے دعائے مغفرت اور ایصالِ ثواب کی دعا بھی کروائی۔
تقریب میں شرکاء نے شکیل خان کی شخصیت، ان کی خدمات اور اعلیٰ اخلاق کو خراجِ عقیدت پیش کیا اور امیر محمد خان سے دلی ہمدردی کا اظہار کیا۔ آخر میں مرحوم کے لیے خصوصی دعا کی گئی۔
