شبلی فراز نے گرفتاری سے بچنے کے لیے اسلام آباد ہائی کورٹ سے رجوع کر لیا

اسلام آباد(سب نیوز)سینیٹ میں اپوزیشن لیڈر شبلی فراز نے گرفتاری سے بچنے کے لیے اسلام آباد ہائی کورٹ سے رجوع کر لیا۔
تفصیلات کے مطابق شبلی فراز نے کسی بھی مقدمہ میں گرفتاری اور مقدمات کی تفصیلات کے لیے درخواست دائر کر دی،
درخواست میں موقف اپنایا گیا کہ کسی بھی معلوم اور نامعلوم مقدمہ میں گرفتار نہ کیا جائے، کسی بھی مقدمہ میں گرفتاری عدالت کی اجازت سے مشروط کیا جائے،
درخواست میں استدعا کی گئی کہ درخواست گزار کو متعلقہ عدالت میں پیش ہونے کے لیے حفاظتی ضمانت دی جائے،
درخواست گزار سے متعلق تمام مقدمات کی تفصیلات بھی فراہم کی جائیں۔