پاکستان تحریک انصاف کے چیئرمین اور سابق وزیراعظم عمران خان نے سینیٹر اعظم سواتی کو فوری طور پر رہا کرنے کا مطالبہ کیا ہے۔
سماجی رابطوں کی ویب سائٹ ٹوئٹر پر عمران خان نے اعظم سواتی کی فوری رہائی کا مطالبہ کیا ہے۔
عمران خان نے اپنے ٹوئٹ میں سینیٹر اعظم سواتی کے ساتھ انتقامی سلوک کی مذمت کرتے ہوئے اسے افسوسناک قرار دیا ہے اور کہا ہے کہ کوئٹہ پولیس ان کی جان کو خطرے میں ڈال کر لے گئی ہے۔
پی ٹی آئی چیئرمین نے کہا کہ اعظم سواتی کو آج صبح سینے میں درد اور سانس کی تکلیف پر پمز منتقل کیا گیا تھا۔ جب ٹیسٹ کے نتائج کا انتظار تھا تو کوئٹہ پولیس نے ڈسچارج کراکر گرفتار کرلیا۔
سابق وزیراعظم نے سینیٹر اعظم سواتی کی فوری رہائی کا مطالبہ کرتے ہوئے کہا ہے کہ افسوس انصاف کا نظام بنیادی انسانی حقوق کی خلاف ورزیاں روکنے کو تیار نہیں ہے۔
The vengeful manner in which Senator Swati is being treated is shocking & condemnable. He was moved to PIMS early morning after suffering severe chest pains & breathing issues. While test results were awaited, Quetta police got him discharged & took him away endangering his life
— Imran Khan (@ImranKhanPTI) December 2, 2022
