اسلام آباد(نیوزڈیسک)پاکستان تحریکِ انصاف کے رہنما فواد چودھری نے کہا ہے کہ روس سے گیس اور تیل وقت پر لے لیتے تو آج جو پاکستان میں مہنگائی کا طوفان ہے وہ نہ ہوتا۔
فواد چودھری نے اپنے سوشل میڈیا اکاونٹ ٹوئٹر پر روسی صدر پیوٹن کے بیان پاکستان کو روسی گیس فراہمی ممکن ہے پر ردِ عمل دیا ہے۔
ان کا کہنا تھا کہ روس سے گیس اور تیل وقت پر لے لیتے تو آج پاکستان میں جو آج مہنگائی کا طوفان ہے نہ ہوتا، پوٹن نے پاکستان کو پھر انرجی کے شعبے میں تعاون کی پیشکش کی ہے اسے فوری طور پر عملی جامہ پہنانے کی ضرورت ہے۔
پاکستان کو روسی گیس فراہمی ممکن، انفرااسٹرکچر پہلے سے موجود، صدر پیوٹن، وزیراعظم شہباز شریف سے دو طرفہ تعلقات پر تبادلہ خیال
فواد چودھری نے کہا ہے کہ شہباز شریف کی نام نہاد حکومت نے مغربی آقاوں کو خوش کرنے کے لیے روس سے معاہدے میں تاخیر کی۔
واضح رہے کہ گزشتہ روز روسی صدر پیوٹن کا وزیراعظم شہبازشریف سے دوطرفہ تعلقات پر تبادلہ خیال کرتے ہوئے کہنا تھا کہ پاکستان کو روسی گیس فراہمی ممکن ہے کیوں کہ انفرا اسٹرکچر پہلے سے موجود ہے۔
روس سے گیس اورتیل وقت پر لے لیتے تو آج پاکستان میں مہنگائ کا طوفان جو آج ہے نہ ہوتا،پوٹن نے پاکستان کو پھر انرجی کے شعبے میں تعاون کی پیشکش کی ہے اسے فوری طور پرعملی جامہ پہنانے کی ضرورت ہے،شہباز شریف کی نام نہاد حکومت نے مغربی آقاؤں کوخوش کرنے کیلئے روس سے معاہدہ میں تاخیر کی
— Ch Fawad Hussain (@fawadchaudhry) September 16, 2022
