Saturday, July 20, 2024
ہومپاکستانملک بھر میں کورونا وائرس سے مزید31 افراد جاں بحق ،ایک ہزار سے زائد مثبت کیسز رپورٹ

ملک بھر میں کورونا وائرس سے مزید31 افراد جاں بحق ،ایک ہزار سے زائد مثبت کیسز رپورٹ

اسلام آباد،پاکستان میں کورونا وائرس سے ایک دن میں 31 افراد جاں بحق ہوگئے جبکہ ایک ہزار سے زائد مثبت کیسز رپورٹ ہوئے ہیں۔نیشنل کمانڈ اینڈ آپریشن سینٹر (این سی او سی )کی جانب سے جاری کردہ اعداد و شمار کے مطابق گزشتہ 24 گھنٹوں کے دوران 44 ہزار 173 کورونا ٹیسٹ کئے گئے، جس کے بعد مجموعی کووڈ 19 ٹیسٹس کی تعداد 80 لاکھ85 ہزار 427 ہوگئی ہے۔گزشتہ 24 گھنٹوں کے دوران ملک بھر میں مزید ایک ہزار 508 مثبت کیسز رپورٹ ہوئے ہیں، اس طرح پاکستان میں کورونا کے مصدقہ مریضوں کی تعداد 5 لاکھ 50 ہزار 540 ہوگئی ہے۔سرکاری اعداد و شمار کے مطابق اب تک سندھ میں 2 لاکھ48 ہزار 919 ، پنجاب میں ایک لاکھ 59 ہزار 311، خیبر پختونخوا میں 67 ہزار 803، اسلام آباد میں 41 ہزار 655، بلوچستان میں 18 ہزار 840، آزاد کشمیر میں 9 ہزار 100 اور گلگت بلتستان میں 4 ہزار 912 افراد میں کورونا کی تشخیص ہوئی ہے۔سرکاری اعداد و شمار کے مطابق اس وقت ملک بھر میں کورونا کے فعال مریضوں کی تعداد32ہزار889 ہے۔ جب کہ ایک ہزار سے زائد مریضوں کی حالت تشویشناک ہے۔گزشتہ 24 گھنٹوں کے دوران ملک بھر میں کورونا سے مزید 31 افراد جاں بحق ہوگئے ہیں جس کے بعد اب اس وبا سے جاں بحق ہونے والے افراد کی تعداد مجموعی طور پر 11 ہزار 833 ہوگئی ہے۔این سی او سی کے مطابق کورونا سے ایک دن میں ایک ہزار 772 مریض صحت یاب ہوئے جس کے بعد صحت یاب ہونے والے مریضوں کی تعداد 5 لاکھ 05 ہزار 818 ہوگئی ہے۔

روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔