افزودہ یورینیم کا ایک ذرہ بھی ایران سے باہر نہیں جانے دینگے، محسن رضائی

تہران(سب نیوز) ایرانی سپریم نیشنل سکیورٹی کونسل کے سیکریٹری محسن رضائی نے واضح کیا ہے کہ ایران اپنے افزودہ یورینیم کا ایک ذرہ بھی ملک سے باہر منتقل کرنے کی اجازت نہیں دیگا۔
لبنانی میڈیا کو دیے گئے انٹرویو میں محسن رضائی کا کہنا تھا کہ افزودہ یورینیم ایران کے اندر ہی رہے گا اور اس کی بیرونِ ملک منتقلی کسی صورت قبول نہیں کی جائے گی۔رضائی کا یہ بیان ایران کے جوہری پروگرام اور افزودہ یورینیم کے ذخیرے سے متعلق جاری کشیدگی کے تناظر میں سامنے آیا ہے۔ ایران اور امریکا کے درمیان جوہری معاملے پر اختلافات برقرار ہیں، جبکہ افزودہ یورینیم کے ذخیرے کا مستقبل مذاکرات میں ایک اہم موضوع ہے۔
تاہم محسن رضائی نے اپنے بیان میں کسی مخصوص معاہدے یا مذاکراتی تجویز کی تفصیلات نہیں بتائیں۔ ان کے اس موقف پر امریکا یا دیگر متعلقہ فریقوں کا ردعمل بھی تاحال سامنے نہیں آیا۔