ایران کا فرانس کے صدر پر دوہرا معیار اپنانے کا الزام، احتجاج سے متعلق بیان پر تنقید

ایران کی وزارتِ خارجہ کے ترجمان اسماعیل بقائی نے فرانس کے صدر ایمانوئل میکرون کو فرانس میں جاری احتجاجی صورتحال پر ان کے ردعمل کے حوالے سے تنقید کا نشانہ بنایا ہے۔
بقائی کا کہنا ہے کہ میکرون نے ایران میں احتجاج کے دوران مظاہرین کو بلا خوف سزا پُرامن اجتماع کی حمایت کا پیغام دیا تھا، لیکن فرانس میں اسی اصول پر عمل کرنے کے لیے تیار دکھائی نہیں دیتے۔
اسماعیل بقائی نے سوشل میڈیا پلیٹ فارم ایکس پر اپنے بیان میں میکرون کو مخاطب کرتے ہوئے کہا کہ ایران پر حملے سے قبل فرانسیسی صدر نے امریکی صدر کو پیغام دیا تھا کہ ’ہم ایران کے معاملے پر بڑے کام کر سکتے ہیں۔‘
ایرانی ترجمان نے دعویٰ کیا کہ بعد میں واضح ہوگیا کہ میکرون کے نزدیک ان ’بڑے کاموں‘ کا مطلب ایران کے خلاف جارحانہ مہم کا ساتھ دینا تھا۔ بقائی کے مطابق، اس مہم اور اس سے وابستہ کارروائیوں کے اثرات پورے خطے اور دنیا تک پھیل گئے۔
بقائی کی تنقید میں بنیادی نکتہ یہ تھا کہ فرانس کے صدر ایران میں پُرامن احتجاج کی حمایت کرتے رہے، لیکن فرانس میں احتجاج کے معاملے پر ان کا رویہ مختلف دکھائی دیتا ہے۔