اسلام آباد: پاکستان میں پرتگال کے سفیر پاؤلو ڈومنگیوس نے چیف آف دی نیول اسٹاف ایڈمرل نوید اشرف سے ملاقات کی، جس میں دوطرفہ تعلقات اور باہمی دلچسپی کے امور پر تبادلہ خیال کیا گیا۔
ملاقات کے دوران بالخصوص بحری اور نیول شعبوں میں تعاون کے امکانات کا جائزہ لیا گیا۔ فریقین نے میری ٹائم سکیورٹی، پیشہ ورانہ تبادلوں اور ادارہ جاتی روابط کو مزید فروغ دینے کے مواقع پر گفتگو کی۔
دونوں جانب سے دوطرفہ مذاکرات کے عمل کو مزید مضبوط بنانے اور باہمی دلچسپی کے شعبوں میں تعاون بڑھانے کے لیے نئے راستے تلاش کرنے میں دلچسپی کا اظہار کیا گیا۔
