راولپنڈی (سب نیوز)انسداد دہشت گردی عدالت راولپنڈی نے چھبیس نومبر احتجاج کے 29 مقدمات میں بشری بی بی کی عبوری ضمانتوں میں 11 جولائی تک توسیع کر دی۔بشری بی بی کی ضمانت درخواستوں پرسماعت اے ٹی سی جج امجدعلی شاہ نے کی
بشری بی بی کے وکیل عدالت میں پیش ہوئے اور موقف اختیارکیا کہ بشری بی بی کو بانی پی ٹی آئی اور ان کے وکلا کی موجودگی میں شامل تفتیش کیا جائے تاکہ انصاف کے تقاضوں کو پورا کیا جا سکے۔عدالت نے بشری بی بی کی عبوری ضمانتوں میں توسیع کرتے ہوئے مزیدسماعت گیارہ جولائی تک ملتوی کر دی،26 نومبر احتجاج پربشری بی بی کے خلاف راولپنڈی اور اٹک کے مختلف تھانوں میں مقدمات درج ہیں۔
