اسلام آباد(آئی پی ایس)حکومتِ پنجاب کے سابق مشیر برائے اقلیتی امور اور نیشنل کمیشن برائے اقلیتوں کے رکن، البرٹ ڈیوڈ جو ایک ممتاز سماجی و سیاسی کارکن ہیں، نے جمعہ کے روز اسفندیار بھنڈارا سے ملاقات کی۔
انہوں نے وزیرِ اعظم کی جانب سے انہیں نیشنل کمیشن فار منارٹیز رائٹس کے چیئرپرسن کی تقرری کے لیے پارلیمانی کمیٹی کا رکن نامزد کیے جانے پر مبارکباد دی۔ملاقات کے دوران اقلیتی برادریوں اور ان کی فلاح و بہبود سے متعلق امور پر بھی تبادلہ خیال کیا گیا۔ بھنڈارا نے انہیں اپنے مرحوم والد، ایم پی بھنڈارا کے منتخب مضامین پر مشتمل کتاب کالنگ اے اسپیڈ اے اسپیڈ پیش کی۔
