جدہ (خالد نواز چیمہ) ریاض سے تشریف لائے ہوئے پاک اوورسیز میڈیا فورم کے سینئرصحافی محمد عمرفاروق کے اعزازمیں فورم کے ممبران نےمقامی ہوٹل میں عشائیہ کا اہتمام کیا۔ جس کی صدارت فورم کے سرپرستِ اعلیٰ سید مسرت خلیل نے کی۔
اوورسیز میڈیا فورم کے صدرشعیب الطاف راجہ نے مہمان خصوصی محمد عمر فاروق کا خیرمقدم کرتے ہوئےان کی صحافتی خدمات کو خراجِ تحسین پیش کیا۔ انھوں نے ہندوستان اور پاکستان کی حالیہ جنگ کے دوران سیزفائر کے اعلان پربھی خوشی کا اظہارکیا اور جدہ کی صحافی برادری کی جانب سے پوری قوم کو مبارکباد دی اور پاک فوج کی خدمات، شجاعت، جنگی مہارتوں، کارناموں اورکامیابیوں کو سراہا۔ انھوں نے خاص طور پرجنرل آصف منیرکی قیادت میں کی گئی غیرمعمولی جنگی حکمت عملی پر روشنی ڈالی اورکہا کہ فوج نے جس عزم اورحوصلہ کے ساتھ دشمن کو منہ توجواب دیا وہ قابل ستائش ہے۔
صدر اوورسیز پاکستانیز گلوبل فاؤنڈیشن خالد نواز چیمہ نے کہا کہ جنرل آصف منیرنے اپنے کردار سے نہ صرف فوج کے جوانوں بلکہ عوام میں بھی امید اور جذبے کو بڑھایا ہے۔ ان کی مہارت اور قیادت کی مثالیں آئندہ نسلوں کے لیے مشعلِ راہ بنیں گی۔
سید مسرت خلیل نے اپنےصدارتی خطاب میں سپہ سالارجنرل آصف منیرخراج تحسین پیش کرتے ہوئے کہا کہ انھوں نے مشکل حالات میں مہارت اور حکمت عملی کا مظاہرہ کرتے ہوئے ملک کی سالمیت کو یقینی بنایا۔ تقریب سے ملک عدیل ریاض کھوکھر، محمد عدیل، شعیب الطاف راجہ، مرزا مدثرا میاں محی الدین، شباب بھٹہ یہی اشفاق نے بھی اپنے خیالات کا اظہارکیا۔قبل ازیں محمد عدیل کی تلاوت قران پاک سےتقریب کا آغاز ہوا۔ ناظمِ تقریب میاں محی الدین نے نعتِ رسولِ مقبول ﷺ پیش کی۔ ۔آخر میں عمرفاروق نے میزبا نوں کا شکریہ ادا کیا اورکہا کہ پاک فوج کی خدمات اور قربانیوں کو ہمیشہ یاد رکھا جائے گا۔ تقریب میں شریک تمام صحافیوں نے ملک کی ترقی اور دفاع کے لیے یکجہتی کے ساتھ مل کرکام کرنے کے عزم اعادہ کیا۔
