راولپنڈی: ڈی جی آئی ایس پی آر نے نجی ٹی وی چینل سے گفتگو کرتے ہوئے انکشاف کیا ہے کہ بزدل دشمن بھارت نے پاکستان کے تین مختلف علاقوں — کوٹلی، مظفرآباد اور بہاولپور — پر میزائل حملے کیے ہیں۔
ترجمان پاک فوج کے مطابق ان حملوں کے نتیجے میں ہونے والے نقصانات کا تخمینہ لگایا جا رہا ہے، اور مکمل جائزے کے بعد پاکستان وقت کا تعین کر کے بھرپور جواب دے گا۔
ڈی جی آئی ایس پی آر کا کہنا تھا کہ بھارت نے اپنی حدود سے بزدلانہ انداز میں حملہ کیا ہے۔ تاہم پاک فضائیہ پوری طرح متحرک ہے اور بھارتی طیاروں کو پاکستانی حدود میں داخل ہونے نہیں دیا گیا۔
انہوں نے مزید کہا کہ دشمن کی جارحیت کا منہ توڑ جواب دیا جائے گا اور قوم کو ہر قیمت پر دفاع فراہم کیا جائے گا۔
