اسلام آباد (سب نیوز)سی ڈی اے بورڈ ممبران اور ملازمین کو پلاٹوں کی الاٹمنٹ کا معاملہ ، اعلیٰ سطح اجلاس میں اہم فیصلے ، عملدرآمد کیلئے متعدد کمیٹیاں قائم کر دی گئیں ، پلاٹوں کیلئے اہل ملازمین کا ڈیٹا جلد مرتب کرنے کی ہدایت ۔
تفصیلات کے مطابق چیئرمین سی ڈی اے محمد علی رندھاوا کی زیر صدارت اعلیٰ سطح اجلاس ہوا جس میں سی ڈی اے بورڈ ممبران اور ملازمین کو پلاٹوں کی الاٹمنٹ کے حوالے سے متعدد اہم فیصلے کئے گے ۔ اجلاس میں ممبر ایڈمن ، ممبر فنانس ، ممبر اسٹیٹ ، ممبر پلاننگ ، جنرل سیکرٹری مزدور یونین چوہدری یسین سمیت دیگر اعلیٰ افسران شریک ہوئے ۔اجلاس میں فیصلہ کیا گیا کہ اسلام آباد ہائیکورٹ کے احکامات پر پلاٹوں کی الاٹمنٹ کے معاملات طے کرنے کیلئے ڈی جی پلاننگ کی سربراہی میں کمیٹی قائم کی جائے گی جس مین ڈائریکٹر لا ء ، ڈائریکٹر ای ایم ون اینڈ ٹو اور مزدور یونین کے نمائندے شامل ہوں گے ، کمیٹی 15یوم میں اپنی سفارشات جمع کروائے گی ۔
اجلاس میں 1100ملازمین کے اپ گریڈیشن کے کیسز کے حوالے سے معاملات طے کرنے کیلئے قائم کمیٹی کو بھی جلد سے جلد رپورٹ پیش کرنے کی ہدایت کی گئی ۔45ڈیلی ویجز ملازمین کی ریگولرائزیشن کے حوالے سے ممبر ایڈمن کو ہدایت کی گئی کہ وہ تفصیلات بورڈ کے سامنے پیش کریں ۔ اجلاس میں سی ڈی اے ملازمین کو علی پور فراش میں فلیٹس کی الاٹمنٹ کا معاملہ موخر کر دیا گیا ۔
