اسلام آباد (سب نیوز)طوفانی بارش کے پیش نظرچیئرمین سی ڈی اے و چیف کمشنر اسلام آباد محمد علی رندھاوا کی ہدایت پرسی ڈی اے، ایم سی آئی اور ضلعی انتظامیہ کی مشترکہ ٹیمیں فیلڈ میں موجود، فیلڈآپرشن کی نگرانی چیئرمین سی ڈی اے اور چیف کمشنر اسلام آبادمحمد علی رندھاوا اور ڈی ڈی اسلام آباد زاتی طور پر کررہے ہیں ،نکاسی آب کے عمل کی نگرانی چیئرمین سی ڈی اے و چیف کمشنر اسلام آباد کی ہدایت پر اے ڈی سی جیز ، اسسٹنٹ کمشنرز ، سی ڈی اے افسران، ایم سی آئی ، 1122 کی ٹیمیں آپریشن میں حصہ لے رہی ہیں۔
چیئرمین سی ڈی اے نے کہا کہ اسلام آباد کی تمام شاہراہوں پر صفائی کے عمل کا آغاز کر دیا گیا ہے ، ٹریفک کو معمول کے مطابق رواں دواں رکھنے کی بھرپور کوشش کی جا رہی ہے ،نالوں کی نگرانی کے لئے سینیٹشن اور انوائرمنٹ کا عملہ اور مشینری فیلڈ میں موجود رہے۔محمد علی رندھاوا نے ہدایت کی کہ اسلام آباد انتظا میہ اور سی ڈی اے کے افسران فیلڈ میں موجود رہ کر مانیٹرنگ کریں، اسلام آباد کی تمام شاہراہوں، نالوں اور پانی کی گزرگاہوں کی سخت نگرانی کو یقینی بنایا جائے، انڈر پاسسز اور دیگر جگہوں پر پانی کی نکاسی کو یقینی بنایا جائے،موصول ہونے والی شکایات کا بروقت ازالہ کیا جارہا ہے ،نشیبی علاقوں کی سخت نگرانی کو یقینی بنایا جائے۔
سی ڈی اے انتظامیہ کے مطابق نالوں میں پانی کے بہاو میں کسی بھی قسم کی کوئی رکاوٹ نہیں ہے،اسلام آباد کے نشیبی علاقوں میں بھی سخت مانیٹرنگ کی جا رہی ہے ،کسی بھی ہنگامی صورتحال کے پیش نظر شہری سی ڈی اے کی ہیلپ لائن نمبر پر بھی رابطہ کرسکتے ہیں۔
