پشاور: شمالی وزیرستان میں ایک گھر میں بارودی مواد کے دھماکے سے 2 بچے جاں بحق ہوگئے۔
پولیس کے مطابق شمالی وزیرستان کے علاقے تبی کے ایک گھر میں بارودی مواد پھٹنے سے دھماکا ہوا جس کے نتیجے میں گھر کی چھت گرگئی۔
پولیس کا بتانا ہےکہ واقعے میں 2 بچے جاں بحق اور میاں بیوی زخمی ہوئے جنہیں فوری طبی امداد کے لیے اسپتال منتقل کردیا گیا۔
پولیس کا کہنا ہےکہ گھر میں بارودی مواد کا دھماکا کس طرح ہوا اس سے متعلق تحقیقات شروع کردی ہیں۔
دوسری جانب چارسدہ کے علاقے اخون ڈھیری میں ایک مبینہ خودکش حملہ آور نے دھماکا کیا جس میں پولیس اہلکار محفوظ رہے۔
پولیس کا بتانا ہے کہ مبینہ حملہ آور موٹر سائیکل پر سوار تھا، حملے میں ایک موٹر سائیکل سوار شخص ہلاک ہوا جس کے خودکش حملہ آور ہونے کا شبہ ہے۔
شمالی وزیرستان: گھر میں بارودی مواد کا دھماکا، 2 بچے جاں بحق
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
