عامر کی ٹیم سے ڈراپ ہونے کی وجہ ان کی پرفارمنس ہے،مصباح الحق

لاہور،قومی کرکٹ ٹیم کے ہیڈ کوچ مصباح الحق نے کہا ہے کہ سیریز میں مسائل کم کرنے کی کوشش کریں گے۔ہفتہ کو مصباح الحق نے پریس کانفرنس کرتے ہوئے کہا کہ ہمارے پاس وقت ہے اور ہم سیریز میں مسائل کو کم کرنے کی کوشش کریں گے تاہم فیلڈنگ کو زیادہ پریکٹس کی ضرورت ہوتی ہے۔انہوں نے کہا کہ سیریز میں سب کو محنت کرنی ہو گی۔ اسی طرح فیلڈ نگ میں بہتری خوش آئند بات ہے جس سے قومی کرکٹ ٹیم کا معیار بہتر ہوا ہے۔ہیڈ کوچ قومی کرکٹ ٹیم مصباح الحق نے کہا کہ کھلاڑی اچھی کارکردگی کی کوشش کر رہے ہیں۔ مڈل آرڈر کے مسائل پر تحفظات ہیں تاہم کوشش کریں گے کہ اسے حل کریں۔ فیلڈنگ میں کیچز کم ڈراپ ہو ر ہے ہیں۔انہوں نے کہا کہ عامر کی ٹیم سے ڈراپ ہونے کی وجہ ان کی پرفارمنس ہے۔ عامر کی لندن میں فیملی کو مسائل تھے اور ان سے ذاتی مسئلہ نہیں عامر نے ریٹائرمنٹ خود لی تھی، وہ جارحانہ اور اچھے بالر ہیں۔ہیڈ کوچ نے مزید کہا کہ حارث نے 3 سیریز میں اچھی کارکردگی دکھائی کورونا کی وجہ سے کھلاڑیوں کو مسائل کا سامنا رہا۔ ورلڈکپ میں جانے سے پہلے ٹیم میں بہتری لائیں گے جبکہ ٹیم کی کارکردگی میں مزید بہتری کے لیے پہلے ہی کوشاں ہیں۔