کورونا وائرس: علمائے کرام رمضان میں کردار ادا کریں، ڈاکٹر فیصل سلطان

اسلام آباد،وزیراعظم کے معاون خصوصی برائے صحت ڈاکٹر فیصل سلطان نے رمضان میں کورونا کے پھیلا وکو کم رکھنے کے لیے علما سے کردار ادا کرنے کی اپیل کردی۔اسلام آباد میں میڈیا کو بریفنگ دیتے ہوئے ڈاکٹر فیصل سلطان نے کہا کہ کورونا ایس او پیز پر 50 فیصد کے قریب عمل کیا جا رہا ہے، تیسری لہر سے نمٹنے کے لیے ایس اوپیز کے تحت احتیاط ضروری ہے کیونکہ تشویشناک حالت والے مریضوں کی تعداد بڑھ رہی ہے۔انہوں نے کہا کہ جون میں جب بیماری زور پر تھی تو 3300 کیسز تھے، اب ہیلتھ ورکرز پر پریشر زیادہ ہے، تشویشناک حالت والے مریضوں کی تعداد بڑھ رہی ہے ۔ڈاکٹر فیصل سلطان نے کہا کہ ماسک کا استعمال اس وقت 5فیصد بھی نہیں اور پابندی کے باوجود ریسٹورینٹس میں انڈور ڈائننگ چل رہی ہے جب کہ کاروبار کے اوقات کار پر عملدرآمد نہیں ہورہا ہے۔معاون خصوصی نے علمائے کرام سے کردار ادا کرنے کی اپیل کرتے ہوئے کہا کہ علما رمضان المبارک میں اپنا کردار ادا کریں، پچھلے رمضان میں علمانے بہت تعاون کیا تھا، ان کا کردار وبا کے پھیلا کو روکنے میں بہت کارآمد ثابت ہوگا۔انہوں نے مزید کہا کہ ویکسین کورونا سے بچا وکرتی ہے لیکن 100فیصد نہیں ہوتی لہذا ویکسین کے ساتھ احتیاط کی بھی ضرورت ہے کیونکہ بیماری کے پھیلا نے ہیلتھ سسٹم پر بہت شدید اثر ڈالا ہے۔