خیبرپختونخوا کے ضلع شمالی وزیرستان میں سیکیورٹی فورسز کے ہاتھوں 5 دہشت گرد انجام کو پہنچ گئے۔
پاک فوج کے شعبہ تعلقات عامہ (آئی ایس پی آر) کے مطابق خفیہ معلومات کی بنیاد پر آپریشن کے دوران فائرنگ کے تبادلے میں 5 دہشت گرد ہلاک ہوگئے۔
آئی ایس پی آر کے مطابق مارے گئے دہشت گرد سیکیورٹی فورسز اور شہریوں پر حملوں میں ملوث تھے۔ دہشت گردوں کے قبضے سے اسلحہ و گولہ باردو برآمد کرلیا گیا۔
ترجمان پاک فوج کے مطابق دہشت گردوں سے مقابلے میں 25 سالہ سپاہی ناصر شہید ہوگیا۔
