سی ڈی اے شہری علاقوں اور دہی علاقوں میں تجاوزات کے خلاف کاروائیاں جاری

اسلام آباد -وفاقی ترقیاتی ادارے کے چیئرمین محمد عثمان یونس نے کی ہدایت پر ڈی جی انفورسمنٹ نے آج ہفتہ وار تعطیل کے باوجود انسدادِ تجاوزات سکواڈ کو تجاوزات کے خلاف کاروائیوں کے احکامات دیے جس کی وجہ سے آج بروز اتوار کو بھی اسلام آباد کے شہری علاقوں اور دہی علاقوں اسلام آباد کہچری سیکٹر F-8 سیکٹر G-7 مارگلہ ٹاون نزد پونا فقیراں ، لہترار روڈ کھنہ اور کری روڈ زون 4 میں کاروائیاں کرتے ہوئے 11 ٹرک سامان ضبط کر کے متعدد تعمیرات گرا دیں تفصیلات کے مطابق آپریشن کا آغاز اسلام آباد کے سیکٹر F-8 مرکز سے کیا جہاں اکثر عوامی شکایات موصول ہوئیں کہ ہوٹل والے گاڑیوں کے لیے مختص پارکنگ میں کرسیاں ٹیبل اور بار بی کیو کیکاونٹر رکھ کر پاررکنگ کو بند کر دیتے ہیں فوری کاروائی کرتے ہوئے پارکنگ ایریا کو تجاوزات سے صاف کرتے ہوئے 9 ٹرک سامان ضبط کر کے سٹور جمع کرا دیا۔ اس کے بعد سیکٹر G-7 کے علاقہ میں کاروائی کرتے ہوئے تعمیرات گرا کر قبضہ کی کوشش ناکام بنا دی ۔اسلام آباد کے دہی علاقہ پونا فقیراں میں بھی قبضہ مافیا چھٹی کا فائدہ اٹھاتے ہوئے تعمیرات کرکے سرکاری زمین پر قبضہ کیا جا رہا تھا انسدادِ تجاوزات سکواڈ نے کاروائی کرتے ہوئے1کمرہ بمعہ کچن گرا دیا گیا۔ اسی طرح زون 4 کری روڈ پر بھی کاروائی کرتے ہوئے 1کمرہ گرا دیا گیا۔ لہتراڑ روڈ کھنہ کے مقام پر تجاوزات کی وجہ سے متاثر رہتا ہے اس پر عوام الناس کی طرف سے شکایات تھی ,کاروائی کرتے ہوئے 1ٹرک سامان ضبط کر دیا. سیکٹر F-7/3 گلی نمبر 8 dead end, پے پرانا تعمیراتی سامان فروحت ہو رہا تھا تجاوزات ہٹا کر 1 ٹرک سامان ضبط کر لیا۔ ڈی جی انفورسمنٹ کا کہنا ہے کہ تجاوزات کے خلاف بلا تعطل کاروائیاں جاری رہیں گی۔