حالیہ سیلاب نے ملک بھر میں جہاں ایک طرف تباہی مچادی ہے تو دوسری جانب اس پانی کو استعمال کرنے کیلئے ایک اہم اور کامیاب کوشش کی گئی ہے۔
اس سلسلے میں ایک پاکستانی نوجوان نے اپنی مہارت اور قابلت سے سیلاب کے پانی کو پینے کے قابل بنادیا جو سیلاب متاثرین کیلئے کسی نعمت سے کم نہیں۔
چکوال سے تعلق رکھنے والے نوجوان حمزہ فرخ نے اپنی تیارکردہ ڈیوائس کی مدد سے اس سیلابی پانی کو صاف پانی میں بدل دیا۔
حمزہ فرخ نے کہا کہ میں کوئی ایسا پروجیکٹ بنانا چاہتا تھا کہ جس کی مدد سے ہم اپنے لوگوں کے کام آئیں اور دنیا بھر میں پاکستان کا نام روشن ہو۔انہوں نے بتایا کہ شمسی توانائی کو استعمال میں لاکر ہم ملک کے دور دراز علاقوں میں پانی کو صاف اور پینے کے قابل بنانا چاہتے ہیں۔
حمزہ فرخ کا کہنا تھا کہ روز شمس شروع پاکستان سے ہوا لیکن اب اس کو افغانستان ، یمن روہنگیا اور دیگر ممالک میں متعارف کرایا جاچکا ہے۔
ہم نے پہلے سے ایسے سولر واٹر باکس تیار رکھے ہوئے تھے جو مختلف گاوں دیہات میں سیلاب متاثرین کے لیے لگا دیئے گئے ہیں۔ اور اس مہینے 50 باکس تیار کرکے ملک مختلف سیلاب زدہ علاقوں میں دیئے جائیں گے۔
