اسلام آباد(مانیٹرنگ ڈیسک )عمران خان کا پارٹی کی نئی تحریک میں نوجوانوں کو مزید متحرک کرنے کا فیصلہ ،عمران خان نے “خودار جوان خودار پاکستان” مہم شروع کرنے کا اعلان کیا ،فوکل پرسن برائے یوتھ افئیرز عثمان ڈار کو مہم لانچ کرنے کی ہدایت کردی گئی۔تفصیلات کے مطابق چیئرمین پی ٹی آئی عمران خان سے عثمان ڈار کی بنی گالہ میں ملاقات ہوئی ۔خودار جوان خودار خودار پاکستان مہم شروع کرنے کی منظوری دے دی،مہم کا لوگو کامیاب جوان پروگرام کی طرز پر ہی ڈیزائن کیا گیا ہے ۔
عثمان ڈار نے بتایا کہ مہم کے تحت ملک بھر میں نوجوانوں کے کنونشنز کا انعقاد ہو گا، عمران خان نوجوانوں کو پارٹی کی فیصلہ سازی میں شامل کریں گے، عمران خان نے نئی ذمہ داری دی ہے اسے بہترین انداز میں نبھاوں گا، نوجوان تیار رہیں آپ کا کپتان آپ سے ملنے آ رہا ہے۔چیئرمین پی ٹی آئی عمران خان نے کہا کہ خودار پاکستان کی جنگ خودار نوجوانوں کی مدد سے لڑیں گے، نوجوان میری تحریک کا کلیدی حصہ ہوں گے، نوجوانوں باشعور ہیں اچھے برے میں فرق سمجھ چکے۔
نوجوانوں تیار ہو جاوکپتان آپ سے ملنے آرہاہے!
عمران خان نےنوجوانوں کو مزید متحرک کرنیکا فیصلہ کرتےہوئے"خودار جوان خودار پاکستان" مہم شروع کرنیکی منظوری دی ہے، مہم کےتحت ملک بھر میں نوجوانوں کےکنونشن ہونگے،خودار پاکستان کی جنگ خودار نوجوانوں کی مددسے لڑینگے!#امپورٹڈ_حکومت_نامنظو pic.twitter.com/g0aQNhzI3g— Usman Dar (@UdarOfficial) April 19, 2022
