ہومتازہ ترینصوبے پورے پاکستان میں بننے ہیں تو خونریزی کراچی، حیدرآباد میں کیوں ہوگی؟ حکومت بلاول کے بیان کا نوٹس لے، خالد مقبول صدیقی

صوبے پورے پاکستان میں بننے ہیں تو خونریزی کراچی، حیدرآباد میں کیوں ہوگی؟ حکومت بلاول کے بیان کا نوٹس لے، خالد مقبول صدیقی

کراچی (سب نیوز)ایم کیو ایم رہنما خالد مقبول صدیقی کا کہنا ہے کہ بلاول بھٹو نے پورے پاکستان کو دھمکی دی ہے۔
کراچی میں پریس کانفرنس کرتے ہوئے خالد مقبول صدیقی نے کہا کہ بلاول بھٹو نے پورے پاکستان کو دھمکی دی، عدالتوں کا ازخود نوٹس لینا بنتا ہے، وفاقی حکومت اور امن وامان قائم کرنے کے ذمہ دار بھی بلاول بھٹو کے خونریزی سے متعلق بیان کا نوٹس لیں۔
ایم کیو ایم رہنما نے بلاول پر نسل پرستی کا الزام عائد کرتے ہوئے سوال کیا کہ کیا عزیر بلوچ سے خونریزی کرانی ہے ؟ پورے پاکستان میں صوبے بننے ہیں تو خونریزی کراچی حیدرآباد اور میرپورخاص میں کیوں ہوگی؟ سندھ کے شہری علاقوں میں خونریزی کون کرے گا؟۔
انہوں نے کہا کہ پیپلز پارٹی مصنوعی اکثریت کی بنیاد پر حکمرانی کررہی ہے، سندھ کی 65 فیصد آبادی نئے صوبے بننے کا فیصلہ کرچکی ،پاکستان کو کسی لسانی تفریق کا شکار نہیں ہونے دیں گے۔خالد مقبول صدیقی نے کہا کہ قانون نافذ کرنے والے اداروں نے رابطہ کرکے امن و امان کی صورتحال کو دیکھااور ہمیں اپنی 29 نومبر کی ریلی پر نظر ثانی کرنے کا کہا گیا ہے، اس حوالے سے نئی تاریخ کا اعلان مشاورت کے بعد کریں گے۔

روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔