اسلام آباد(سب نیوز) پاکستان میں روس کے سفیر البرٹ پی خورئیف نے رکن قومی اسمبلی اور روسی فیڈریشن کے ساتھ پارلیمانی دوستی گروپ کی رکن سحر کامران سے ملاقات کی۔
ملاقات کے دوران عالمی و علاقائی سیاسی و اقتصادی صورتحال سمیت روس اور پاکستان کے باہمی تعلقات کو مزید فروغ دینے کے امکانات پر تبادلہ خیال کیا گیا۔
روسی سفیر نے بین الپارلیمانی روابط کو مضبوط بنانے کے لیے سحر کامران کے تعمیری مؤقف کا خیرمقدم کیا۔ سحر کامران نے روس میں منعقد ہونے والی اہم کثیرالجہتی تقریبات میں شرکت میں دلچسپی کا اظہار کیا۔
دونوں جانب سے روس اور پاکستان کے درمیان پارلیمانی اور باہمی تعاون کو مزید وسعت دینے کی اہمیت پر بھی زور دیا گیا۔
