بنیادی تحقیق پورے سائنسی نظام کا ماخذ ہے، چینی صدر

بیجنگ :16 ستمبر کو شائع ہونے والے “چھیوشی” میگزین کے 18ویں شمارے میں سی پی سی سینٹرل کمیٹی کے جنرل سیکرٹری، چینی صدراور مرکزی فوجی کمیشن کے چیئرمین شی جن پھنگ کا ایک اہم مضمون شائع ہوگا، جس کا عنوان “بنیادی تحقیق کو مضبوط بنانے کے سمپوزیم میں تقریر” ہے۔ مضمون میں اس بات پر زور دیا گیا ہے کہ بنیادی تحقیق پورے سائنسی نظام کا ماخذ ہے۔ دنیا میں سائنس اور ٹیکنالوجی کی طاقت بننے کے لیے بنیادی تحقیق کواعلیٰ معیار تک فروغ دینا ضروری ہے۔ دنیا کے معروف سائنس اور ٹیکنالوجی والے ممالک کے مقابلے میں، چین کی بنیادی تحقیق کے معیار میں ابھی بھی خلا موجود ہے۔ ہمیں بنیادی تحقیق کو کوششوں اور مزید ٹھوس اقدامات کے ساتھ مضبوط کرنا چاہیے تاکہ ملک کی اصل اختراعی صلاحیتوں کو بڑھایا جا ئے،سائنس اور ٹیکنالوجی پر مبنی ایک طاقتور ملک کی تعمیر کی بنیاد کو مزید مضبوط بنایا جائے اور اعلیٰ سطحی سائنسی اور تکنیکی خود انحصاری کے عمل کو تیزتر کیا جائے۔ مضمون میں کہا گیا ہے کہ بنیادی تحقیق کے نظام کی ترتیب کو بہتر بنانا، بنیادی تحقیق کے لیے باصلاحیت افراد کی تعداد میں اضافہ کرنا، بنیادی تحقیق کے لیے حمایت اور ضمانتوں کو مضبوط کرنا اور بنیادی تحقیق میں بین الاقوامی تعاون کو وسعت دینا ضروری ہے۔