اسلام آباد(سب نیوز) رواں مالی سال قلیل مدتی عرصے کے دوران مہنگائی کی شرح بلند رہنے کا امکان ہے۔وزارت خزانہ کی ماہانہ اقتصادی اپ ڈیٹ رپورٹ کے مطابق گزشتہ مالی سال مہنگائی کی اوسط شرح 7 اعشاریہ1فیصد رہی جو مالی سال 25-2024میں 4اعشاریہ5فیصد تھی جب کہ یہی شرح جون میں بڑھ کر 11اعشاریہ1فیصد ہوگئی۔
رپورٹ میں بتایا گیا ہے کہ رواں برس پہلے ماہ جولائی میں مہنگائی کی شرح 9 سے 10 فیصد اوربیرونی شعبے کے مستحکم رہنے کی توقع ہے تاہم مشرقِ وسطی میں دوبارہ بڑھتی ہوئی جغرافیائی و سیاسی کشیدگی افراطِ زر اور بیرونی شعبے کے امکانات کے لیے منفی خطرات پیدا کر سکتی ہے۔دوسری جانب معاشی سرگرمیوں کی بحالی کا عمل برقرار ہے اور مجموعی معاشی استحکام بھی محفوظ رہے گا۔مزید برآں گزشتہ مالی سال ترسیلات زر 41 ارب 60کروڑ ڈالر رہا جب کہ ریونیو میں اضافہ بھی ریکارڈ کیا گیا، اس مدت کے دوران برآمدات 30 ارب 80 کروڑ ڈالر رہیں۔
