اسلام آباد: پاکستان میں ازبکستان کے سفیرعلی شیر تختایف سے معروف فارماسیوٹیکل کمپنی The Searle Company Limited کے ڈائریکٹر سعید ندیم احمد کے ساتھ ایک نہایت نتیجہ خیز ملاقات کی۔
ملاقات کے دوران ازبکستان میں فارماسیوٹیکل شعبے میں مشترکہ سرمایہ کاری کے منصوبوں کے آغاز پر تفصیلی تبادلہ خیال کیا گیا۔ ان منصوبوں میں مقامی پیداوار (لوکلائزیشن) کو فروغ دینا اور جدید ٹیکنالوجیز کے نفاذ کو یقینی بنانا شامل ہے۔
گفتگو کے دوران خصوصی توجہ نئی نسل کی ادویات کی تیاری پر مرکوز رہی، خصوصاً کینسر، دل کی بیماریاں اور ذیابیطس کے علاج کے لیے مؤثر ادویات کی تیاری پر زور دیا گیا۔
واضح رہے کہ ازبکستان تیزی سے بین الاقوامی سرمایہ کاروں کے لیے ایک پُرکشش مرکز بنتا جا رہا ہے اور علاقائی فارماسیوٹیکل حب کے طور پر اپنی پوزیشن مستحکم کر رہا ہے۔
