بیجنگ:اطلاعات کے مطابق امریکہ نے حال ہی میں اعلان کیا ہے کہ وہ چین سمیت 16 تجارتی شراکت داروں کے خلاف تجارتی تحقیقات شروع کرےگا۔ اس حوالے سے چینی وزارت خارجہ کے ترجمان گو جیاکھون نے
یومیہ پریس کانفرنس میں کہا کہ چین امریکہ اقتصادی و تجارتی معاملات کے حوالے سے چین کا موقف مستقل اور واضح ہے۔ چین یکطرفہ ٹیرف اقدامات کی تمام شکلوں کی مخالفت کرتا ہے۔ ٹیرف وار اور تجارتی جنگ کسی بھی فریق کے مفاد میں نہیں ہے۔ فریقین کو برابری، احترام اور باہمی فائدے کی بنیاد پر متعلقہ مسائل کو مشاورت کے ذریعے حل کرنا چاہیے۔ “حد سے زیادہ پیداواری صلاحیت” کا نام نہاد مفروضہ ایک غلط تصور ہے اور چین اس کی آڑ میں سیاسی جوڑ توڑ کی مخالفت کرتا ہے۔
