اسلام آباد (سب نیوز)ملک بھر میں حالیہ بارشوں کے دوران 38 افراد جاں بحق ہوگئے۔این ڈی ایم اے کے مطابق 26 سے 28 جون تک مون سون بارشوں سے ملک بھر میں 38 افراد جاں بحق ہوگئے۔ سب سے زیادہ 19 لوگ خیبرپختونخوا میں جان سے گئے ۔این ڈی ایم اے کے مطابق بارشوں سے پنجاب میں مختلف واقعات سے 12 لوگ جان سے گئے ۔ سندھ اور بلوچستان میں 7 افراد جاں بحق ہوئے ۔ مختلف حادثات میں 63 لوگ زخمی بھی ہوئے۔ملک کے بیشتر مقامات پر آج بھی بادل جم کربرسیں گے۔ این ڈی ایم اے نے سیلابی صورتحال کے خدشے کے پیش نظر الرٹ جاری کر دیا۔
این ڈی ایم اے کے مطابق سوات، اپر دیر، کمراٹ ویلی، چترال اور گلگت بلتستان میں کلاڈ برسٹ سے سیلابی صورتحال کا خدشہ ہے۔ وادی نیلم، مظفرآباد، راولاکوٹ، باغ اور کوٹلی میں شدید بارشوں کی پیشگوئی کی گئی ہے۔ پنجاب، خیبرپختونخوا اور سندھ کے کئی شہروں میں اربن فلڈنگ کا امکان ہے۔دوسری طرف ملک کے بیشتر مقامات پر آج بھی بادل جم کربرسیں گے۔ این ڈی ایم اے نے سیلابی صورتحال کے خدشے کے پیش نظر الرٹ جاری کر دیا۔این ڈی ایم اے کے مطابق سوات، اپر دیر، کمراٹ ویلی، چترال اور گلگت بلتستان میں کلاڈ برسٹ سے سیلابی صورتحال کا خدشہ ہے۔ وادی نیلم، مظفرآباد، راولاکوٹ، باغ اور کوٹلی میں شدید بارشوں کی پیشگوئی کی گئی ہے۔
پنجاب، خیبرپختونخوا اور سندھ کے کئی شہروں میں اربن فلڈنگ کا امکان ہے۔ ڈپٹی ڈائریکٹر میٹ عرفان ورک نے کہا کہ بارشوں کا سلسلہ2 سے3 دن تک جاری رہے گا، بالائی علاقوں کے ندی نالوں میں طغیانی کاخطرہ ہے۔عرفان ورک نے کہا کہ خیبرپختونخوا کے مختلف علاقوں میں موسلادھاربارش کا امکان ہے، بارشوں سے شہری علاقوں میں اربن فلڈنگ کا خدشہ ہے۔ آئندہ ہفتے بارشوں کا نیا سلسلہ ملک میں داخل ہوگا۔علاوہ ازیں ہری پور میں سیلابی ریلوں کی آمد کے پیش نظر ضلعی انتظامیہ ہائی الرٹ ہے، دفعہ 144 کیخلاف ورزی پر 40 افراد کو گرفتار کرلیا گیا۔ گرفتار افراد کیخلاف مقدمہ درج کر کے جیل بھیج دیا گیا۔ ندی نالوں کے قریب رہائشی افراد کو جگہ خالی کرنے کا حکم بھی دیدیا گیا ہے۔ہرنائی میں شدید بارشوں کے پیش نظر الرٹ جاری کردیا گیا، ضلعی حکام کے مطابق شہری بارشوں کے پیش نظر احتیاطی تدابیر پرعمل کریں، شہری اور سیاح پکنک پوائنٹس پرجانے سے گریز کریں۔
