جدہ (خالد نواز چیمہ) جدہ میں قائم پاکستان انٹرنیشنل سکول انگلش سیکشن الرحاب محترمہ بینظیر کا اوورسیز پاکستانیز کے لیے بہترین تحفہ ہے ،شہید بے نظیر بھٹو نے اپنے والد شہید ذولفقار علی بھٹو کے نقش قدم پر چلتے ہوئے دنیا میں پاکستان کا نام روشن کیا اور خاص طور پر کشمیر پر پیپلز پارٹی کے دو ٹوک موقف کو دنیا کو پہنچایا، اسی طرح شہید بے نظیر بھٹو کے بیٹے بلاول بھٹو نے حال میں بھارت کا پاکستان پر حملہ اور الزامات کو دنیا میں بھارت کوخاموش کرایا، وزیر اعظم شہباز شریف نے بھارتی پروپیگنڈے کو غلط ثابت کرنے اور پاکستان کے موقف کو دنیا میں بتانے کیلئے بلاول بھٹو کا انتخاب کیا جواچھا اقدام تھا ۔
یہ بات جدہ میں بے نظیر بھٹو کی 72ویں سالگرہ پر منعقدہ تقریب سے خطاب کرتے ہوئے صدر پی پی پی تصور چوہدری نے کہی ،
تقریب میں مسلم لیگ (ن )کے چیئرمین چوہدری محمد اکرم نے اظہار خیال کرتے ہوئے کہا ہمیں اس بات پر فخر ہے کہ پاکستا ن کو ایٹمی طاقت بنانے کی ابتداء شہید ذولفقار علی بھٹو اور اسے پایہ تکمیل تک میاں نواز شریف نے پہنچایا جس نے پاکستان کو ایٹمی طاقت ہونے کا شرف بخشا۔
؎ چوہدری محمد اکرم نے سالگرہ کی تقریب منعقد کرنے پر پیپلزپارٹی کو مبارکباد دی اور کہاکہ انہیں خوشی ہے کہ یہ تقریب صرف پیپلز پارٹی نے اپنے کارکنوں کے ساتھ ہی نہیں بلکہ جدہ میں کمیونٹی کے ہمراہ منائی چونکہ شہید بی بی پاکستا ن کی بیٹی تھیں۔ تقریب سے خطاب کرتے ہوئے مسلم کانفرنس کے صدر سردار اشفاق نے اپنے خطاب میں بھٹو خاندان کی جانب آزادی کشمیر کی کوششوں کو سراہا۔
انہوں نے کہا شہید ذولفقار علی بھٹو کی پالیسی کو آج تک نہ صرف حکومت پاکستان بلکہ آج شہید بی بی کے نوجوان صاحبزادے بلاول بھٹو ہر فورم پر مسئلہ کشمیر کو اجاگر کرتے ہیں ۔
سردار اشفاق نے شہید بے نظیر بھٹو کو زبردست خراج عقیدت پیش کیا۔
تقریب سے پی پی پی گلف کے سابق رہنماء اسد اکرم، پی پی پی کے ڈپٹی جنرل سیکریٹری آفتاب ترابی نے بھی خطاب کیا۔ آخرمیں تصور چوہدری کے ہمراہ چوہدری محمد اکرم، اظہر وڑائچ، پی پی پی یوتھ ونگ کے خلیج کے جنرل سیکریٹری سردار وقاص، مسلم کانفرنس کے صدرسردار اشفاق اور دیگر کے ہمراہ کیک کاٹا۔
