لاہور کی انسداد دہشت گردی عدالت نے پاکستان تحریک انصاف (پی ٹی آئی) کے وائس چیئرمین شاہ محمود قریشی کی 9 مئی سے متعلق شادمان آتشزدگی کیس میں ضمانت منظور کر لی ہے۔
یہ فیصلہ آج کوٹ لکھپت جیل میں جج منظر علی گل نے سنایا، جہاں مقدمے کی سماعت ہوئی۔
گزشتہ روز اے ٹی سی لاہور میں شاہ محمود قریشی کے وکلا رانا مدثر عمر اور بیرسٹر تیمور ملک نے تفصیلی دلائل دیے تھے، جس کے بعد عدالت نے فیصلہ محفوظ کیا تھا۔
واضح رہے کہ شاہ محمود قریشی نے اس مقدمے میں کئی ماہ قبل ضمانت کی درخواست دائر کی تھی۔ اسی کیس میں چند روز قبل سابق گورنر پنجاب عمر سرفراز چیمہ کی ضمانت بھی منظور کی جا چکی ہے۔
