اسلام آباد(آئی پی ایس) وفاقی وزیر عبد العلیم خان کا کہنا ہے کہ پاک فوج نے دشمن کا غرور خاک میں ملاکر قوم کا سر فخر سے بلند کردیا۔
بھارت کو جنگ میں ایک بار پھر دھول چٹانے پر وفاقی وزیر عبد العلیم خان نے اظہار تشکر کیا، صدر استحکام پاکستان پارٹی نے پاک فضائیہ و مسلح افواج کو خراج تحسین پیش کیا۔
وفاقی وزیر عبد العلیم خان نے کہا کہ بروقت اور بھرپور جوابی کارروائی سے دشمن چاروں شانے چت ہوگیا، آج بے مثال کامیابی پر سجدہ شکر بجا لانے کا دن ہے۔
صدر استحکام پاکستان پارٹی نے کہا کہ پوری قوم کو فتح مبارک، پاک فضائیہ نے فضاوں پر اپنی برتری ثابت کر دی، الحمد للہ، ایک بار پھر ہم معرکہ حق و باطل میں سرخرو ٹھہرے ہیں، پاکستان نے جنگ میں بھی ذمہ دار ریاست ہونے کا ثبوت دیا ہے۔
