زرعی شعبے کی پائیداری پر توجہ دینے کی سخت ضرورت ہے، ثانیہ نشتر

اسلام آباد، معاون خصوصی وزیر اعظم برائے تخفیف غربت و سماجی تحفظ سینیٹر ڈاکٹر ثانیہ نشتر نے قومی زرعی تحقیقاتی مرکز میں بین الاقوامی مشاورتی ورکشاپ بعنوان “پاکستان میں زمین کے مشاہداتی ایپلی کیشنز کے ذریعے پائیدار زرعی طریقوں ، پالیسی سپورٹ اور معاش کی بہتری کے لیے فصلوں کی نقشہ سازی اور زوننگ” کے موقع پر مہمان خصوصی کی حیثیت سے شرکت کی ۔
ورکشاپ کا انعقاد پاکستان زرعی تحقیقاتی کونسل (PARC) اور پہاڑی علاقہ جات میں ترقی کے بین الاقوامی مرکز (ICIMOD) کے اشتراک سے کیاگیا۔ ورکشاپ کا مقصد کلیدی اسٹیک ہولڈرز کو مشغول کرنا اور ارتھ آبزرویشن (ای او) میں جدید ترین ٹولز اور اختراعات کا اشتراک کرنا ، اور زرعی منصوبہ بندی اور پالیسی سازی میں ای او ٹولز اور ٹیکنالوجیز کے مقدمے کو فروغ دینے کے لیے ضروریات ، مواقع اور تکمیل کی نشاندہی کرنا ہے۔ ورکشاپ میں زراعت ، موسمیاتی تبدیلی ، خوراک کی حفاظت ، پانی اور آبپاشی کے شعبوں میں کام کرنے والی قومی ، صوبائی اور غیر سرکاری تنظیموں کے شرکاء نے شرکت کی۔افتتاحی سیشن میں شامل ہونے والے دیگر ممتاز مقررین میں پیما جیمتشو ڈائریکٹر جنرل (ICIMOD) نیپال؛ بشیر احمد ، ڈائریکٹر ، کلائمیٹ ، انرجی اینڈ واٹر ریسرچ انسٹی ٹیوٹ (CEWRI) PARC ، فیصل قمر گروپ لیڈ فوڈ سیکورٹی ، ICIMOD اور محمد اسماعیل ، کنٹری نمائندہ پاکستان آفس ICIMOD شامل تھے۔ افتتاحی سیشن سے خطاب کرتے ہوئے ڈاکٹر ثانیہ نے کہا کہ زراعت ہماری حکومت کی اولین ترجیح ہے اور رہے گی۔ ایک چوتھائی غریب آبادی والے پاکستان میں تقریبا 65 فیصد آبادی براہ راست یا بالواسطہ زرعی سرگرمیوں میں ملوث ہے۔ یہی وجہ ہے کہ ، زراعت ایک مکمل حکومتی کثیر القومی ایجنڈا ہے ، جیسا کہ احساس فریم ورک میں شامل ہے۔ انہوں نے مزید کہا “ایک زرعی معیشت ہونے کے ناطے ، ہمیں زراعت میں تحقیق ، ہارڈ ویئر اور سافٹ وئیر کو جدید بنانے اور زرعی شعبے کی پائیداری پر توجہ دینے کی سخت ضرورت ہے۔”انہوں نے پاکستان میں زراعت کی ترقی کے لئے علاقائی اور عالمی زرعی علوم اور مشینری کے استعمال کو فروغ دینے پر آئی سی موڈ اور پی اے آرسی مبارکباد کے مستحق ہیں۔ حکومت پاکستان کی جانب سے انہوں نے پاکستان میں زرعی پیداوار کے نظام کو بہتر بنانے کے لیے کام کرنے والے زراعت کے ماہرین کو مکمل تعاون کی یقین دہانی کرائی۔چیئرمین پی اے آر سی ، ڈاکٹر محمد عظیم نے پاکستان کے زرعی ماحولیاتی زون کو اپ ڈیٹ کرنے کی اہمیت پر روشنی ڈالی اور کہا کہ زرعی نظام میں پائیداری کے مسئلے کو حل کرنے کے لیے ضروری ہے کہ پانی کی دستیابی کے مطابق منفرد زون کی ضروریات اور دیگر فصلوں کے نظام کو اپنائیں۔پیما گیمتشو ڈائریکٹر جنرل (آئی سی موڈ) نیپال نے اس بات پر زور دیا کہ خطے میں زرعی اراضی کے استعمال کے سماجی و اقتصادی اور ماحولیاتی اثرات کے ساتھ فصلوں کے نمونوں اور تاریخی تبدیلیوں کی واضح تفہیم اچھی طرح سے باخبر پالیسیاں تیار کرنے کے لیے ضروری ہے۔ڈاکٹربشیر احمدڈائریکٹر (کلائمیٹ انرجی اینڈ واٹر ریسرچ انسٹی ٹیوٹ) این اے آرسی نے بتایا کہ ایگری ٹرانسفارمیشن پلان کے تحت ، پی اے آر سی نے ایگرو ایکولوجیکل زونز کو اپ ڈیٹ کرنا اور پاکستان کے فصلی زونز کی ترقی شروع کی ہے تاکہ جدید ٹیکنالوجی پر مبنی پائیدار زراعت کے طریقوں کو اپنانے کے لیے شواہد پر مبنی علم فراہم کیا جا سکے جیسے سیٹلائٹ ریموٹ سینسنگ اور جغرافیائی معلومات کا نظام۔زمین کے مشاہدے (EO) ٹیکنالوجیز میں حالیہ ترقی کے ساتھ ، PARC ، ICIMOD ، NASA اور جارج میسن یونیورسٹی آزادانہ طور پر دستیاب ریموٹ سینسنگ ڈیٹا اور انفارمیشن ٹیکنالوجی ٹولز کے استعمال پر تعاون کر رہے ہیں تاکہ فصلوں کے پیٹرن کی باقاعدہ مانیٹرنگ کے موثر ذرائع فراہم کیے جا سکیںاور پالیسی میں اشتراک کے لئے موئثر تبدیلیاں کی جا سکیں۔