اسلام آباد(آئی پی ایس )وزیراعظم کی جانب سے قائم ٹاسک فورس نے تعیمراتی شعبے کے لیے مجوزہ پیکج تیار کرلیا جس کے بعد وزارت ہاسنگ نے تعیمراتی شعبے کے لیے ریلیف کی تجاویز ایف بی آر کے سپرد کردیں۔ دستاویزات کے مطابق پیکج میں ہاوسنگ کے شعبے میں خریداروں کو ریلیف دینے کی سفارش کی تجویز شامل ہے جب کہ تعمیراتی شعبے کی بحالی سے روزگار میں اضافے کے لیے تجاویرشامل ہیں۔ دستاویزات کے مطابق نان فائلرکو ایک کروڑروپیمالیت کی جائیداد خریدنیکی اجازت دینے اور پراپرٹی کی فروخت میں ٹیکس کی شرح نصف کرنے کی تجویز شامل ہے۔
دستاویزات میں بتایا گیا ہیکہ جائیداد کی لین دین میں مجموعی طور پر 11 سے 14فیصد ٹیکس عائد ہے جسے 4 سے4.5 فیصد کرنے کی تجویز ہے۔ اس کے علاوہ سمندر پار پاکستانیوں کے لیے پراپرٹی کی خریداری میں آسان طریقہ کار اور سمندرپار پاکستانیوں کیلیینادرا سے آن لائن رجسٹرڈ ہونیکی سہولت دینے کی تجویز شامل ہے۔ دستاویزات کے مطابق پیکج میں فائلرزکیلیے5 کروڑ کی پراپرٹی کو ویلتھ اسٹیٹمنٹ میں شامل کرنیکی سہولت کی تجویز بھی شامل کی گئی ہے۔
