اسلام آباد: صدر ایف پی سی سی آئی عاطف اکرام شیخ نے یوم شہدائے پولیس پر پولیس کے شہیںد افسران اور اہلکاروں کو خراج عقیدت پیش کیا اور کہا کہ شہید پولیس اہلکاروں نے آج اپنی جانوں کا نذرانہ دے کر قوم کا کل محفوظ اور روشن بنایا،
دہشت گردی کے خلاف جنگ میں پولیس پاک فوج کے ساتھ مل کر ہراول دستے کے طور پر اپنی زمہ داریاں ادا کر رہی ہے،
انہوں نے کہا کہ یوم شہدائے پولیس ، بہادر پولیس افسران اور اہلکاروں کی بہادری اور قربانیوں کو یاد کرنے کا دن ہے ،
ملک میں قیام امن کیلئے جانوں کے نذرانے پیش کرنے والے ہی قوم کے اصل ہیروز ہیں،
پولیس شہداء پوری قوم کا فخر ہیں اور ہمارے دلوں میں ہمیشہ زندہ رہیں گے،
قیام امن کے لئے تمام صوبوں کی پولیس کی مثالی خدمات کو سراہتے ہیں،
