مصنوعی ذہانت میں اضافے سے ملک کی صنعتی اور معاشی ترقی کو فروغ ملے گا، ڈاکٹر سہیل خان

ہری پور، سینئر فیکلٹی ایس پی سی اے آئی ڈاکٹر سہیل خان نے کہا کہ باصلاحیت اور نوجوان آبادی کے باعث پاکستان انفارمیشن ٹیکنالوجی میں مواقع کی سرزمین کی طرف گامزن ہے اور مصنوعی ذہانت میں اضافے سے ملک کی صنعتی اور معاشی ترقی کو فروغ ملے گا۔

قومی مصنوعی ذہانت فورم 2021 کی لانچنگ تقریب سے خطاب کرتے ہوئے انہوں نے کہا کہ مصنوعی ذہانت کی اہمیت کا احساس کرتے ہوئے حکومت پاکستان صدر اور وزیر اعظم کو خطوط کے تحت پہلے ہی اس شعبے کو فروغ دینے کے لئے ضروری اقدامات کر چکی ہے۔ یہ فورم اسی سلسلے میں ایک کوشش ہے کہ قومی سطح پر معاشرتی اور صنعتی مصنوعی ذہانت کے استعمال کے بارے میں آگاہی پیدا کی جائے خاص طور پر ہمارے نوجوانوں کی حوصلہ افزائی کی جائے اور انہیں مصنوعی ذہابت کی طرف راغب کیا جائے۔منیجنگ ڈائریکٹر ایس پی سی اے آئی ڈاکٹر عاطف مشکور نے کہا کہ نیشنل آرٹیفیشل انٹیلی جنس فورم کے شرکا پاکستانی صنعتی عمل اور معاشرتی سطح پر اور مصنوعی ذہانت کے موثر کردار اور معاشرے اور صنعت پر اس کے مثبت اثرات پر غور کریں گے۔ انہوں نے مزید کہا کہ اس پروگرام میں مکمل سیشن کی باقاعدہ کاروائی ہوگی جس میں صنعتی اور علمی ماہرین اپنے ایک قیمتی نظریات ، بصیرت اور تجربات کو ایک ایکسپو کے ساتھ بانٹیں گے جہاں صنعتوں اور تعلیمی اداروں کے نمائندے اپنے آرٹیفیشل انٹیلی جنس پر مبنی منصوبوں اور مصنوعات کی نمائش کریں گے۔ڈاکٹر ناصر علی خان پراجیکٹ ڈائریکٹر پاک آسٹریا انسٹیٹیوٹ برائے اپلائڈ سائنسز و ٹیکنالوجی نے آنے والے تمام میڈیا نمائندگان کو اس بین الاقوامی انسٹی ٹیوٹ میں آنے پر ان کا شکریہ ادا کیا انہوں نے کہا کہ پاک آسٹریا انسٹیٹیوٹ آف اپلائیڈ سائنسز و ٹیکنالوجی پاکستان کا وہ واحد ادارہ ہے جس کو آسٹریا اور چین کی نامور یونیورسٹیوں کا تعاون حاصل ہے۔اس ادارے کا تصور “اسکلنگ پاکستان” کے نعرے سے نکلا ہے۔ انہوں نے مزید کہا کہ انسٹی ٹیوٹ کا مقصد جدید ترین صنعتی معیشتوں کے متوازن طور پر پاکستان میں تکنیکی تعلیم کے معیار کو بلند کرنا ہے، علم پر مبنی معیشت ، محض تعلیمی پروگرام سے بہت آگے۔ انہوں نے مزید کہا کہ انسٹی ٹیوٹ کا مقصد جدید ترین صنعتی معیشتوں کے متوازن طور پر پاکستان میں تکنیکی تعلیم کے معیار کو بلند کرنا ہے ، انہوں نے کہا کہ پاک آسٹریا انسٹی ٹیوٹ آف اپلائیڈ سائنسز اینڈ ٹیکنالوجی شراکت دار یونیورسٹیوں کے برابر جدید ترین تدریسی اور عملی لیبارٹریوں کی حامل ہے جہاں نصاب تدریسی وسائل ، اور غیر ملکی شراکت داروں کے ذریعہ تمام تر ٹیکنالوجی کو بروئے کار لایا جائے گا اور پھر سیکھنے کے نتائج کے اعلی معیار کے ساتھ ان کی منظوری دینے والے اداروں کی نگرانی کے عمل کے ذریعے عمل کو برقرار رکھنے کے لئے موثر منصوبے لائے جائیں گے۔قومی مصنوعی ذہانت (آرٹیفیشل انٹیلی جنس)فورم کا انعقاد 2 ستمبر 2021 کو کیا جائے گا۔اس فورم کا مقصد مصنوعی ذہانت کی اہمیت اور موثر استعمال کے بارے قومی سطح کی گفتگو شروع کرنے کے لئے پاکستان اور بیرون ملک سے صنعتی اور تعلیمی ماہرین کو ایک ہی جگہ جمع کرنا ہے۔قومی سطح کے اس فورم کا انعقاد پاک-چین سنٹر برائے مصنوعی ذہانت (ایس پی سی اے آئی)کے ذریعہ کیا جائے گا جو پاک آسٹریا انسٹیٹیوٹ میں مصنوعی ذہانت میں سبقت کا مرکز ہے۔اس لانچنگ تقریب کی نظامت محمد مرتضی نور نیشنل کوآرڈینیٹر انٹر یونیورسٹی کنسورشیم نے کی۔