کراچی :نامزد نگراں وزیراعلی سندھ جسٹس (ر) مقبول باقر کا کہنا ہے کہ مجھ پر دبا آئے گا نہ کوئی غیر قانونی کام کروں گا۔ایک بیان میں مقبول باقر نے کہا کہ مجھے نہیں لگتا مجھ پر کوئی دبا آئے گا جب کہ میں کوئی غیر قانونی کام بھی نہیں کروں گا، واضح کرنا چاہتا ہوں الیکشن آئین و قانون کے مطابق ہوں گے۔
نامزد نگراں وزیراعلی نے کہا کہ صاف شفاف الیکشن کرانا ہماری ذمہ داری ہے جب کہ حلقہ بندیاں کرنا الیکشن کمیشن کا کام ہے، مگر اس معاملے میں انہیں بھرپور معاونت فراہم کریں گے۔جسٹس (ر) مقبول باقر کا کہنا تھا کہ نگراں کابینہ چارج سنبھالنے کے بعد تشکیل ہوگی اور سندھ میں ترقیاتی کام معمول کے مطابق جاری رہیں گے۔ خیال رہے کہ گزشتہ روز وزیراعلی سندھ مراد علی شاہ اور اپوزیشن لیڈررعنا انصار کی جانب سے نگراں وزیراعلی کے نام پراتفاق کے بعد گورنرسندھ کامران ٹیسوری نے مقبول باقر کو نگراں وزیر اعلی سندھ بنانے کی سمری پر دستخط کردیے تھے۔
