Sunday, July 21, 2024
ہومپاکستانسندھ میں نویں اور دسویں کے امتحانات کا آغاز یکم جولائی سے ہوگا،سعید غنی

سندھ میں نویں اور دسویں کے امتحانات کا آغاز یکم جولائی سے ہوگا،سعید غنی

کراچی،سندھ کے وزیر تعلیم سعید غنی نے کہا ہے کہ سندھ میں نویں اور دسویں کے امتحانات یکم جولائی سے، گیارہویں اور بارہویں جماعت کے امتحانات کا آغاز 28 جولائی سے ہوگا، تمام بورڈز امتحانات کے نتائج 90 روز میں تیار کرینگے، نیا تعلیمی سال دو اگست سے شروع ہوگا۔تفصیل کے مطابق ہفتہ کووزیر تعلیم سندھ سعید غنی کی زیر صدارت اسٹیئرنگ کمیٹی کا اجلاس ہوا، جس میں فیصلہ کیا گیا کہ صوبے میں تمام سکول یکم فروری سے کھل جائیں گے، نویں، دسویں جماعت کے امتحانات یکم جولائی سے شروع ہوں گے، گیارہویں اور بارہویں جماعت کے امتحانات کا آغاز 28 جولائی سے ہوگا،اجلاس میں فیصلہ کیا گیا کہ یکم فروری سے سکول ایس او پیز کے ساتھ کھلیں گے، تمام بورڈز امتحانات کے نتائج 90 روز میں تیار کریں گے، امتحانات کے دوران کورونا ایس اوپیز کا خیال رکھا جائے گا، ایس او پیز پر عملدرآمد کیلئے ضلعی انتظامیہ سے مدد لی جاسکتی ہے، رواں سال موسم گرما کی تعطیلات صرف جولائی میں ہوں گی۔

روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔