اسلام آباد (آئی پی ایس )ایف بی آر کے 16 افسران کے پاس غیرملکی شہریت ہونے کا انکشاف ہوا ہے، 16 افسران میں ان لینڈ ریونیو سروسزکے 10 اورکسٹمزسروس کے 6 افسران شامل ہیں۔دستاویز کے مطابق گریڈ 20 کے 10 افسران کے پاس دوہری شہریت اورگرین کارڈز ہیں جب کہ گریڈ 19 کے 5 افسران بھی دہری شہریت رکھتے ہیں۔
رولز 2026 کے تحت تمام سرکاری افسران اپنی غیرملکی شہریت ظاہر کرنیکے پابند ہیں۔ ان افسران کو 8 جولائی تک دہری شہریت کی تفصیلات جمع کرانیکی ہدایت کی گئی تھی تاہم مقررہ مدت گزرنے کے باوجود متعدد افسران نے ڈکلیئریشن جمع نہیں کرایا۔
