ریاض (سب نیوز)خادم الحرمین الشریفین شاہ سلمان بن عبدالعزیز آل سعود کی جانب سے نامزد کیے گئے سعودی عرب کے مختلف برادر اور دوست ممالک میں نئے تعینات سفیروں نے جدہ میں سعودی ولی عہد اور وزیراعظم شہزادہ محمد بن سلمان بن عبدالعزیز کے سامنے اپنے عہدوں کا حلف اٹھا لیا۔حلف اٹھانے والوں میں اسلامی جمہوریہ پاکستان میں خادم الحرمین الشریفین کے نئے سفیر ڈاکٹر راجح بن طامی البقمی بھی شامل تھے۔
اس موقع پر جمہوریہ سینیگال میں سعودی سفیر اور جمہوریہ کیپ وردے، گنی اور گیمبیا کے لیے غیر مقیم سفیر ڈاکٹر ترکی بن محمد القحطانی، شام میں سعودی سفیر غازی بن رافع العنزی، جمہوریہ کولمبیا میں سعودی سفیر اور جمہوریہ پاناما کے لیے غیر مقیم سفیر بدر بن سعود الطریفی نے حلف لیا۔ اس کے علاوہ مملکت سویڈن میں سعودی سفیر اور جمہوریہ آئس لینڈ کے لیے غیر مقیم سفیر آسیل بنت سلطان الشہیل، مملکت بیلجیم میں سعودی سفیر اور لکسمبرگ کی گرینڈ ڈچی کے لیے غیر مقیم سفیر عبدالرحمان بن قلیل الخدیدی، جمہوریہ نائجر میں سعودی سفیر احمد عمر المحائلی اور مملکت ڈنمارک میں سعودی سفیر اور جمہوریہ لتھوانیا کے لیے غیر مقیم سفیر محمد بن راشد الحدیثی نے بھی اپنے عہدوں کا حلف اٹھایا۔
سعودی ولی عہد شہزادہ محمد بن سلمان کے سامنے پاکستان سمیت مختلف ممالک میں تعینات نئے سفیروں نے حلف اٹھا لیا
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
