سکھر(آئی پی ایس )اسپیکر قومی اسمبلی ایاز صادق کی قیادت میں ن لیگی رہنماں کا وفد گڑھی خدا بخش بھٹو میں منعقدہ محترمہ بینظیر بھٹو کی برسی میں شرکت کرنے کے لیے سکھر پہنچا،جہاں وفد نے شہید بینظیر بھٹو کو خراج عقیدت پیش کرتے ہوئے سیاسی چیلنجز بشمول پی ٹی آئی کے ساتھ تعلقات اور پارلیمانی مذاکرات کی ضرورت پر زور دیا۔
اسپیکرقومی اسمبلی ایازصادق رانا ثنا اللہ اورطارق فضل چوہدری کے ہمراہ سکھر ایئرپورٹ پہنچے،جہاں انہوں نے میڈیا سے گفتگو کرتے ہوئیکہا کہ دونوں جماعتوں کا ساتھ ملکرلمبی اننگ کھیلنے کا ارادہ ہے،پی ٹی آئی سے مذاکرات کے لیے انکے دفتر کے دروازے کھلے ہیں۔ ایک سوال کے جواب میں اسپیکرقومی اسمبلی ایازصادق نے کہاکہ بانی پی ٹی آئی کوجیل مینوئل کے مطابق سہولیات مل رہی ہیں اور جتنی سہولیات انہیں مل رہی ہیں تاریخ میں اس کی مثال نہیں ملتی،وزیراعظم نیہربارکہا ہے مذاکرات کے لیے درواز ے کھلے ہیں۔
انہوں نے کہامحترمہ بینظیربھٹو اورپیپلزپارٹی کی جمہوریت کیلئے قربانیاں ہیں،پیپلزپارٹی سیرشتہ پرانا ہے، محترمہ کی خدمات پرانہیں خراج تحسین پیش کرنے آئے ہیں،صدرزرداری اورچیئرمین بلاول بھٹو زرداری سے ملاقات بھی کریں گے۔رانا ثنا اللہ نے کہاکہ بانی پی ٹی آئی جیل میں بیٹھ کر انارکی پھیلا رہے ہیں سیاسی جماعت کے ناطے ہمارا یقین ہے جمہوریت ڈائلاگ سے بڑھتی ہے،ڈیڈ لاک سے نہیں مگر پی ٹی آئی کے بانی کا رویہ شروع دن سے متنازعہ ہے۔
