اسلام آباد کی ممتاز سیاسی و سماجی شخصیت محمد عرفان کے والد محترم کی دعائے مغفرت کے لیے ایک باوقار دعائیہ تقریب کا انعقاد کیا گیا۔ اس موقع پر جڑواں شہروں کی معروف سیاسی و سماجی شخصیات نے بڑی تعداد میں شرکت کی۔
شرکاء میں غلام رسول خان، محمد ملک، محمد عرفان، حمزہ علی جویا، طلحہ علی جویا، اسامہ علی جویا، سلیمان طارق، محمد شاہد، قمر طارق ڈوگر، سردار سجاد، چوہدری فرخ، ڈاکٹر حامد، وفاقی وزیر مملکت عبدالرحمان کانجو، عابد شیر علی سمیت شہر کی دیگر اہم شخصیات شامل تھیں۔
تقریب کا آغاز قرآن خوانی سے کیا گیا، جس کے بعد مرحوم کے ایصالِ ثواب کے لیے خصوصی دعا کی گئی۔ دعا میں اللہ تعالیٰ سے مرحوم کے لیے جوارِ رحمت میں اعلیٰ مقام اور ان کے پسماندگان کے لیے صبرِ جمیل کی دعا کی گئی۔
اس موقع پر ملک کے موجودہ حالات کے تناظر میں وطنِ عزیز پاکستان کی سلامتی اور ترقی کے لیے بھی خصوصی دعا کی گئی۔ شرکاء نے پاک فوج کے جوانوں کی بہادری اور قربانیوں کو خراج تحسین پیش کرتے ہوئے ان کی حفاظت کے لیے دعا کی۔
“اے اللہ! پاکستان کے دشمنوں کو نیست و نابود فرما، اور ہماری سرحدوں کے محافظوں کی حفاظت فرما۔ پاکستان زندہ باد!”
تقریب کے اختتام پر تمام معزز مہمانوں کی تواضع کے لیے ضیافت کا بھی خصوصی اہتمام کیا گیا۔
