بلوچ عوام محب وطن اورملک کے خیر خواہ ہیں، سردار زادہ میر سعید جان لانگو

اسلام آباد(بیورو رپورٹ)نامور سیاسی و سماجی رہنما سردار زادہ میر سعید جان لانگو نے کہا ہے کہ پاک بھارت جنگ کی صورت میں بلوچ عوام اور خاص طور پر لانگو قبائل کے افراد اپنی بہادر مسلح افواج کے شانہ بشانہ کھڑے ہونگے، بلوچ عوام محب وطن اورقربانیاں دینے والیاور اس ملک کی ترقی کے لئے اپنی بھر پور خدمات پیش کرنیوالوں میں سے ہیں، بلوچ عوام امن وامان کے قیام کو یقینی بنانے اور وطن کی حفاظت کے لئے پاک فوج کے جوانوں کی قربانیوں کو خراج عقیدت پیش کرتے ہیں۔
اپنے ایک بیان میں میر زادہ سعید خان لانگو کا مزید کہنا تھا کہ بلوچ عوام کے حوالے سے یہ غلط فہمی پیدا کی جا رہی ہے کہ وہ ملک مخالف ہیں جو کہ سرا سر غلط ہے، بلوچ عوام کی اکثریت اس ملک اور پاک فوج سے بے پناہ محبت اور عقیدت رکھتی ہے، مٹھی بھر گمراہ اورملک دشمنوں کو اکثریت بنا کر پیش نہیں کیا جا سکتا، انہوں نے آرمی چیف جنرل عاصم منیر کو یقین دلایا کہ پاکستانی عوام جنگ کیخلاف ہیں تاہم اگر خدانخواستہ بھارتی وزیر اعظم نریندرمودی کی ہٹ دھرمی سے ایسی کوئی نوبت آئی تو بلوچ عوام اور لانگو قبائل خاص طور پر پاک فوج کے ساتھ شانہ بشانہ فرنٹ لائن کھڑے ہونگے۔