اسلام آباد (سب نیوز) نیشنل پریس کلب میں حسب روایت اس سال بھی رمضان فیملی فیسٹیول کا شاندار انعقاد کیا گیا، جس میں صحافیوں کے اہل خانہ اور بچوں نے بھرپور جوش و خروش کے ساتھ شرکت کی۔ اس رنگا رنگ تقریب میں تفریحی سرگرمیوں کے ساتھ خصوصی قرعہ اندازی بھی کی گئی، جس میں تیس خوش نصیب افراد کو “اپنا بازار” کی جانب سے چار، چار ہزار روپے کے فری شاپنگ واچرز دیے گئے۔
قرعہ اندازی کی تقریب میں فیملی فیسٹیول کے مہمان خصوصی وزیر مملکت برائے کھیل داس کوہستانی، پاکستان فیڈرل یونین آف جرنلسٹس (PFUJ) کے صدر افضل بٹ، نیشنل پریس کلب کے صدر اظہر جتوئی، سیکرٹری نیئر علی اور کپڑا گروپ کے سی او او کرنل ریٹائرڈ ٹی کے بنگش نے شرکت کی۔ سیکرٹری نیئر علی جو میزبانی کیفرائض بھی انجا دے رہی تھیں، نے خوش نصیبوں کے ناموں کا اعلان کیا، جس پر شرکا نے جوش و خروش سے تالیاں بجائیں۔”اپنا بازار” کمرشل مارکیٹ راولپنڈی کے بنت زمان پلازا میں واقع ہے اور یہ کپڑا گروپ ڈویلپرز کا ایک اہم پراجیکٹ ہے۔ یہاں ایک ہی چھت کے نیچے بچوں، خواتین اور مرد حضرات کے ملبوسات سمیت دیگر ایسیسریز کی وسیع رینج دستیاب ہے۔
تقریب سے خطاب کرتے ہوئے کپڑا گروپ ڈویلپرز کے سی او او کرنل ریٹائرڈ ٹی کے بنگش نے شرکا کو بتایا کہ کمپنی جدید رئیل اسٹیٹ ڈویلپمنٹ میں نمایاں مقام رکھتی ہے۔ ان کا بڑا منصوبہ “کپڑا سینٹر” بحریہ ٹان فیز 4 میں تکمیل کے آخری مراحل میں ہے، جبکہ دیگر منصوبوں میں شیفون ٹاور، خیبر دربار ریسٹورنٹ اور متعدد کمرشل و رہائشی پراجیکٹس شامل ہیں۔رمضان فیملی فیسٹیول کے اختتام پر نیشنل پریس کلب کے عہدیداران اور شرکا نے تقریب کے شاندار انعقاد میں تعاون پر کپڑا گروپ ڈویلپرز کا شکریہ ادا کیا۔ پی ایف یو جے کے صدر افضل بٹ نے اس عزم کا اعادہ کا کیا کہ آئندہ بھی ایسے فیملی فیسٹیولز منعقد کیے جائیں گے تاکہ صحافیوں اور ان کے اہل خانہ کو تفریح اور خوشی کے مواقع ملتے رہیں۔کپڑا گروپ ڈویلپرز نے بھی اس خوبصورت تقریب کو سراہتے ہوئے یقین دلایا کہ مستقبل میں ایسے ایونٹس کے لیے تعاون کا سلسلہ جاری رکھا جائے گا۔
