اسلام آباد (سب نیوز)
نیب ہیڈ کواٹر میں ڈپٹی چیئرمین نیب سہیل ناصر کی زیر صدارت رہائشی منصوبوں کے متاثرین کو رقوم کی واپسی کی تقریب منعقد ہوئی۔
غوری ٹاؤن، آرائیں سٹی، گلشن رحمان،اور جدہ ٹاؤن کے متاثرین میں چیک تقسیم کر دیے گئے۔
ڈپٹی چیئرمین نیب سہیل ناصر پروسیکیوٹر جنرل احتساب سید احتشام قادر شاہ ڈائریکٹر جنرل نیب راولپنڈی مرزا محمد عرفان بیگ نے چیک تقسیم کیے۔
اس موقع پر سہیل چیئرمین ناصر کا کہنا تھا کہ نیب کی سربراہی میں بدعنوانی کی روک تھام کے لیے جامع اقدامات اٹھائے جا رہے ہیں-
انہوں نے کہا کہ عوام مکمل تحقیق کے بعد رہائشی منصوبوں میں سرمایہ کاری کریں ،
نیب کی طرف سے محفوظ سرمایہ کاری کی عوامی آگاہی مہم جاری ہے،
انہوں نے کہا کہ عوام کا سرمایہ لوٹنے والوں کے خلاف نیب کا شکنجہ سخت ہو رہا ہے،
ایک سال کی قلیل مدت میں چار رہائشی منصوبوں کی انتظامیہ سے ڈیڑھ ارب روپے بازیاب کرائے گئے۔
