کراچی(آئی پی ایس )ایک ہفتے کے دوران زرمبادلہ کے سرکاری ذخائر میں 8کروڑ 40 لاکھ ڈالر کا اضافہ ریکارڈ کیا گیا۔
اسٹیٹ بینک نے ز رمبادلہ کے ذخائر سے متعلق ہفتہ وار اعدادوشمار جاری کردیے، جن کے مطابق 8 نومبر کو ختم ہونے والے ہفتے کے دوران زرمبادلہ کے سرکاری ذخائر میں 8کروڑ 40 لاکھ ڈالر کا اضافہ ریکارڈ کیا گیا۔ اضافے کے بعد 8 نومبر کو زرمبادلہ کے سرکاری ذخائر کی مالیت 11 ارب 25 کروڑ 86 لاکھ ڈالر کی سطح پر آگئی۔
اسٹیٹ بینک کے مطابق کمرشل بینکوں کے ذخائر 5 کروڑ ڈالر کی کمی سے 4 ارب 70 کروڑ 69 لاکھ ڈالر کی سطح پر آگئے، یوں گزشتہ ہفتے کے دوران زرمبادلہ کے مجموعی ذخائر میں 3 کروڑ 37 لاکھ ڈالر کا اضافہ ہوا۔مرکزی بینک کے مطابق 8 نومبر کو ختم ہونے والے ہفتے میں زرمبادلہ کے مجموعی ذخائر کی مالیت 15 ارب 96 کروڑ 55 لاکھ ڈالر کی سطح پر آگئی۔
