اسلام آباد: سابق وفاقی وزیر اور پی ٹی آئی کے سابق رہنما اسد عمر نے کہا ہےکہ میں ریٹائرمنٹ کی بہترین زندگی گزار رہا ہوں اور اسلام آباد، فیصل آباد اور لاہور کی انسداد دہشتگری عدالتوں کے چکر لگا رہا ہوں۔
تفصیلات کے مطابق انسداد دہشتگری عدالت لاہور کے احاطے میں صحافیوں سے غیر رسمی گفتگو کرتے ہوئے اسد عمر نے کہا کہ چیف جسٹس یحییٰ آفریدی کے بارے میں سب کی رائے ہے کہ وہ اچھے جج ہیں، جیسے ترمیم کی گئی اصل مسلہ وہ ہے، مسئلہ چیف جسٹس نہیں ہیں۔
ایک صحافی نے ان سے پوچھا کہ آپ سیاست میں واپسی کریں گے؟ اس پر اسد عمر نے مسکراتے ہوئے کہا کہ پہلے ہی اتنے زیادہ لیڈرز ہیں جو سنبھالے ہی نہیں جا رہے۔
