اسلام آباد(آئی پی ایس ) چیئرمین کیپٹل ڈویلپمنٹ اتھارٹی محمد علی رندھاوا نے کہا ہے کہ تاجر برادری دارالحکومت کا اصل چہرہ ہے جو اس کی ترقی میں اہم کردار ادا کر رہی ہے، اس لیے فیصلہ سازی میں اسے آن بورڈ لیا جائے گا۔ چیئرمین سی ڈی اے نے یہ بات اسلام آباد چیمبر آف کامرس اینڈ انڈسٹری کے ایک بڑے وفد سے بات چیت کرتے ہوئے کہی جس نے پیر کو یہاں صدر احسن ظفر بختاوری کی قیادت میں ان سے ملاقات کی۔
انہوں نے اس امید کا اظہار کیا کہ بہترین طرز عمل اپنانے، کمفرٹ زونز سے نکل کر اور عملی نقطہ نظر پر عمل پیرا ہو کر ہم شہر کی ترقی سے متعلق تمام مسائل پر قابو پانے میں کامیاب ہو جائیں گے، انہوں نے مزید کہا کہ وہ جلد ہی اپنی ٹیم کے ہمراہ چیمبر کا دورہ کریں گے۔ ۔قبل ازیں اسلام آباد چیمبر آف کامرس اینڈ انڈسٹری کے صدر احسن ظفر بختاوری نے چیئرمین کو چارج سنبھالنے پر خوش آمدید کہتے ہوئے اپنی ٹیم کے ارکان کا تعارف کرایا اور تاجر برادری کے اہم مسائل پر روشنی ڈالی۔ انہوں نے کہا کہ پینے کے صاف پانی کے مسئلے کی سنگینی کو محسوس کرتے ہوئے انہوں نے خود اپنی جیب سے مختلف بازاروں میں فلٹریشن پلانٹ لگانے کا بیڑہ اٹھایا ہے۔
انہوں نے چیئرمین سی ڈی اے کو آئی سی سی آئی کے دورے کی دعوت دی جسے انہوں نے یہ کہتے ہوئے قبول کیا کہ وہ کمیونٹی کے مسائل سے جلد از جلد واقفیت کو ممکن بنائیں گے۔اسلام آباد چیمبر آف کامرس اینڈ انڈسٹری کے گروپ لیڈر خالد اقبال ملک نے ون ونڈو کے اوقات میں صبح 9 بجے سے رات 9 بجے تک اضافہ کرنے پر چیئرمین کو سراہتے ہوئے کہا کہ یہ یقینی طور پر زائرین کو سہولت فراہم کرنے میں ایک طویل سفر طے کرے گا۔آئی سی سی آئی کے سابق صدر اور سیکرٹری جنرل یو بی جی ظفر بختاوری نے چیئرمین کو یقین دلایا کہ وہ تاجر برادری کو اس کے مسائل کے حل کے لیے اپنی کوششوں میں ہمیشہ اپنے ساتھ رکھیں گے۔
آئی سی سی آئی کے نائب صدر انجینئر اظہر الاسلام ظفر، سابق صدر محمد اعجاز عباسی، صدر آل پاکستان انجمن تاجران اجمل بلوچ، میاں شوکت مسعود، زاہد قریشی، راجہ حسن اختر، نعیم اختر اعوان، ناصر محمود، امتیاز عباسی، اختر عباسی، چوہدری نثار علی خان اور دیگر نے بھی خطاب کیا۔ عرفان گجر، خالد چوہدری اور دیگر نے بھی چیئرمین سی ڈی ایکومبارکباددی۔
